Një 65-vjeçar, i shtruar në spitalin “Shefqet Ndroqi” në Tiranë, i dha fund jetës mbrëmjen e djeshme duke u hedhur nga kati i katërt i godinës. Ngjarja bëri bujë të madhe dhe ngriti dyshime të forta, pasi ky është rasti i dytë që pacientët ndërrmarin të tillë akt.
Një prej mjekeve të këtij spitali Eugerta Bilka, me një deklaratë tha se i ndjeri po trajtohej edhe për problemet psikologjike nga vetë mjekët e Shefqet Ndroqit.
Mjekja nuk u përgjigj pyetjeve të gazetarëve, të cilët i thanë se kjo është hera e dytë që ndodh, duke mos u marrë asnjë masë.
“Pyetjet jo në këtë moment, nuk është momenti për të kthyer përgjigje”, u shpreh mjekja pas pyetjes së bërë.
