Dalin detaje të reja lidhur me fatin e 29-vjeçarit nga Durrësi, viktima e parë nga covid-19 që u hodh nga dhoma ku qëndronte në spitalin covid-2. Mësohet se 29-vjeçari aktin e vetvrasjes e kishte paramenduar. Të dhënat e nxjerra nga hetimi hedhin dritë mbi këtë fakt. Mësohet se ai vuante nga probleme të shëndetit mendor.
Hetuesit gjetën në celularin e tij një mesazh të drejtuar familjes ku u tregonte se kishte vendosur t’i jepte fund jetës, pasi kishte bërë gjëra përtej limiteve të tij.
Në fund të mesazhit thuhej “takohemi në botën tjetër”.
Mesazhi ishte shkruar muaj më parë, por vetëm ditën e ngjarjes, ai ia dërgoi familjarëve të tij.
Madje mësohet se kohët e fundit ai ishte duke lexuar edhe librin “testament”.
