Ambasada greke në Tiranë ka pezulluar përkohësisht procesin e lëshimit të vizave nga Autoritetet Konsullore në Shqipëri. Lajmi është bërë i ditur nga vetë ambasada përmes një njoftim të postuar në rrjetet sociale.
Ky vendim vjen si një masë kufizuese për parandalimin e përhapjes së koronavirusit, sqaron ambasada.
“Për shkak të masave kufizuese për të parandaluar përhapjen e koronavirusit, procesi i lëshimit të vizave nga Autoritetet Konsullore Greke në Shqipëri është përkohësisht i pezulluar. Si rrjedhojë, informojmë aplikantët e vizave që dëshirojnë t’u kthehen pasaportat e tyre, të kontaktojnë Autoritetet konsullore”, njofton ambasada.
