Një aksident i rëndë ka ndodhur këtë mbrëmje në aksin e vjetër Mamurras-Fushë Krujë, me pasojë vdekjen e një 23-vjeçari.
Policia njofton se mjeti tip “Nissan” me drejtues shtetasin E.Q.,është përplasur me ciklomotorin me drejtues shtetasin R.P., 23 vjeç, ku ky i fundit ka ndërruar jetë gjatë transportimit për në spitalin e Traumës.
Mësohet se viktimë ka mbetur i riu Renuart Përshkura.
Kurbin/Informacion paraprak
Në aksin e vjetër Mamurras -Fushë Krujë, në afërsi të një karburanti në Mamurras, mjeti tip “Nissan” me drejtues shtetasin E.Q.,është përplasur me ciklomotorin me drejtues shtetasin R.P., 23 vjeç, banues në Mamurras, i cili ka ndërruar jetë gjatë transportimit për në spitalin e Traumës, Tiranë.
Drejtuesi i mjetit shtetasi E.Q., është shoqëruar në ambientet e Komisariatit Kurbin për veprime të mëtejshme.
Grupi hetimor në vendgjarje punon për zbardhjen e plotë të shkakut dhe rrethanave të ngjarjes.
