Në 98-vjetorin e festës së Fitores së Mustafa Qemal Ataturkut përballë forcave të huaja duke përcaktuar territorin e Turqisë së sotme, kryefjalë ishte Mesdheu.
Qytetarët që iu bashkuan festimeve nuk përmendën emrin e Ataturkut, por brohoritën për presidentin Erdogan. Ky i fundit i dha fjalën Ataturkut se nuk do të bëjë hapa pas në aksionin në Mesdhe.
“Turqia nuk do të përulet para kërcënimeve dhe gjuhës së shantazhit. Do të vazhdojmë të mbrojmë të drejtat që kemi nga marrëveshjet ndërkombëtare dhe dypalëshe”, tha Erdogan.
Më herët, Erdogan shpërndau një mesazh urimi në rrjetet sociale shkroi se ata që duan ta groposin këtë ditë duhet të dalin në fushën e historisë. Sipas tij, nuk është rastësi që edhe sot kërcënimet vijnë nga Greqia ashtu si 98 vjet më parë kur Ataturk i përzuri forcat greke nga Izmiri.
