Policia e Elbasanit arrestoi Mehmet Muçën dhe Amadeus Lamçjan me akuzën e moskallëzimit të krimit dhe pengim i zbardhjes së të vërtetës për vrasjen e Florjan Lamçjas nga Sokol Sanxhaktari, i cili njihet edhe si dhëndrri i ish-kryetarit të Bashkisë së Elbasanit Qazim Sejdini dhe mikut të tij Adriano Hajdari. Por mësohet se në këtë ngjarje kanë qenë të pranishëm edhe dëshmitarë të tjerë. Ajo çfarë shihet deri në këtë fazë të hetimit është fakti se po bëhen të gjitha përpjekjet për të fshehur ngjarjen dhe për të mos përfshirë në këtë krim Sanxhaktarin. Të arrestuarit gjatë marrjes në pyetje janë munduar të mos përmendin emrin e Sanxhaktarit.
Sipas prokurorisë, komunikimet mes të dyshuarit dhe viktimës, ishin ndërprerë prej kohësh, por ditën e ngjarjes, Sanxhaktari e ftoi viktimën në takim me ndihmën e një gruaje, e cila siguroi numrin e Florian Lamçes.
Një nga miqtë e viktimës i thanë prokurorisë se Lamçja pa që në telefonin e tij kishte disa thirrje nga Sanxhaktari, ndonëse ata nuk flisnin prej kohësh. Mesditën e 30 korrikut shpjegon ai, dhëndrri i Sejdinit e kontaktoi Florin dhe i kërkoi të takoheshin tek lokali i tij që ndodhet afër Turizmit.
Pas dida orësh qëndrimi në lokalin e tij, Sanxhaktari në mbremje u kërkoi të njohurve të largohen prej andej dhe të shkojnë në një lokal tjetër aty afër, duke marrë dhe pijet me vete. Dëshmitaret kanë pohuar se Sanxhaktari dhe Florian Lamçja konsumuan disa herë lëndë narkotike në banjon e lokalit dhe kur ktheheshin biseda mes tyre acarohej pa asnjë shkak.
Dëshmitarët në ngjarje bëjnë me dije se kanë parë viktimën që ishte në tokë dhe Sanxhaktarin që e godiste si i tëbuar, por nuk janë shprehur me Siguri me çfarë. Në këtë moment dikush nga ata , miku më i afërt i Florjan Lamçes thote se ka ikur me vrap dhe ka thirrun vëllain e Florit dhe i ka treguar çfarë kishte ndodhur duke i dorëzuar edhe telefonin. Kur janë kthyer tek lokali kishte mbërritur policia, ndaj më pas kanë shkuar në spital.
Prokuroria thotë se e gjithë dinamika e ngjarjes është e zbardhur, pasi disponon pamje filmike si dhe nga kqyrjet e telefonit të viktimës dhe të dyshuarit konfirmohet fakti se ishte Sanxhaktari ai që e kontatkoi Florian Lamçen dhe i kërkoi takim. Aktualisht Sokol Sanxhaktari dhe Ardiano Hajdaraj ndodhen në paraburgim për akuzën e vrasjes. Prokuroria urdhëroi edhe arrerstimin e Mehmet Muçës dhe Amadeus Lamçja. I pari sipas prokurorisë akuzohet për fshehjen e dy pistoletave, ndërsa i dyti akuzohet se furnizoi me kokainë të gjithë personat që ndodheshin në tavolinë me Sanxhaktarin dhe se ka qenë dëshmitar okular i krimit, por ketë fakt e ka fshehur për hetuesit. Këtë të premte ndaj tyre gjtykata me kërkesën e prokurorit Kreshnik Ajazi caktoi masën e sigurisë “arrest me burg”.
