Mikesha dhe ish-këshilltarja e Trump, Stephanie Winston Wolkoff është gati të publikojë biografinë “Melania & Me”.
Në një fragment ekskluziv të paraqitur në revistën “Intelligencer”, Winston Wolkoff jep detaje tronditëse në lidhje me rivalitetin e raportuar shpesh midis Zonjës së Parë dhe vajzës së Trump, Ivanka.
Sipas “People”, një burim ka thënë më parë: “Nuk është ‘sekret’ që Zonja e Parë nuk shkon mirë me tre fëmijët e Trump.”
Shtëpia e Bardhë ka mohuar që zonja Trump dhe vajza e Trump kanë një marrëdhënie të akullt. Por, në vitin 2017, zëdhënësja e zonjës së parë, Stephanie Grisham, tha për “Vanity Fair”: “Ivanka dhe Zonja Trump kanë pasur gjithmonë një marrëdhënie të ngushtë, dhe kjo vazhdon edhe sot”.
Së fundmi, gjatë konventës, Presidenti Trump iu drejtua zyrtarisht anëtarëve të partisë së tij dhe pranoi ri-emërimin e partisë. Por vëmendja më e madhe e mediave u përqendrua në momentin kur Melania Trump përshëndeti Ivanka Trump.
Ivanka është vajza që lindi nga marrëdhënia e Trump me gruan e tij të parë, Ivana, dhe sot ajo është këshilltare e Shtëpisë së Bardhë.
Ajo sapo kishte prezantuar babanë e saj për fjalimin e tij kur u përshëndet nga Melania me një buzëqeshje që ndryshoi sa hap e mbyll sytë. Buzëqeshja e Zonjës së Parë u shndërrua menjëherë dhe momenti u kap nga mediat.
Sapo Ivanka kaloi, buzëqeshja e Melania-s u zhduk. Videoja është bërë virale duke mbledhur mbi 5 milion shikime në më pak se tre orë, pasi u shpërnda në Twitter.
I see that Melania and Ivanka are getting along juuuuust fine. pic.twitter.com/ktnmRBBG7Q
— TrumpsTaxes (@TrumpsTaxes) August 28, 2020
