Chrissy Teigen dhe John Legend ende nuk mund të besojnë që një fëmijë tjetër po vjen.
Sipas një burimi për People, modelja 34-vjeçare dhe këngëtari nuk menduan kurrë se do të ishte e mundur që Chrissy të mbetej shtatzënë në mënyrë natyrale dhe ajo vazhdon të thotë se është një mrekulli që mbeti shtatzënë. Madje, burimi tregon se ajo mbeti e shokuar dhe ka qarë nga lumturia.
“Ishte një surprizë! Një surprizë të vogël karantine, mendoj se mund ta quajmë. Por ne jemi shumë të ngazëllyer dhe jemi mirënjohës për të gjitha urimet që kemi marrë nga njerëz në të gjithë botën. Shumë faleminderit!” –është shprehur këngëtari.
Teigen dhe Legend kanë qenë të hapur për mënyrën sesi ata më parë iu nënshtruan fekondimit in vitro për të ngjizur dy fëmijët e tyre: Miles Theodore, 2 vjeç dhe Luna Simone, 4 vjeçe.
Chrissy Teigen dhe John Legend njoftuan ardhjen e fëmijës së tyre të tretë nëpërmjet një videoje të këngës së re ‘Wild’ të yllit të pop-it.
