Në fjalën e saj përmbyllëse të sumer camp 2020 i LRI, kryetarja e Lëvizjes Socialiste për Integrim Monika Kryemadhi, falenderoi të rinjtë pjesmarrës ndërsa shtoi se para tyre politikanët janë fare të vegjël. Kryemadhi vendosi që fjalimin e saj të mos e bëjë të plotë duke I lënë vendin të rinjve të shprehen.
Në fjalën e saj, Kryemadhi tha se rinia është pjesa më e mirë e LRI-së dhe e LSI-së, ndërsa shtoi se kampi do të jetë edhe më i madh vitin tjetër, kur edhe Shqipëria do të jetë e lirë nga pushteti aktual.
“Ndryshe nga herët e tjera, këtu janë disa nga grupi organizator dhe e dinë si unë flas nëpër takime të tilla, por në fakt nganjëherë ne njerëzit nuk e dimë se çfarë mirësie kemi rreth vetes sonë. Dhe duke ardhur thashë do them faleminderit Zot që më dhe mundësinë për të njohur këto vajza dhe djem të mrekullueshëm, të jashtëzakonshëm, që edhe kur ta bëjnë zemrën “bam” nga frika apo nga diçka që mund të ndodhi sepse janë ekspresivë, ajo kënaqësi që të dhurojnë më pas me sinqeritetin e tyre, me vendosmërinë e tyre, me integritetin dhe vendosmërinë e tyre, ndihemi që ne politikanët jemi shumë më poshtë se fëmijët tanë, që jeni ju, 16, 17 apo 18 vjeç, që jeni pjesë e këtij kampi. Herët e tjera e kemi bërë pas fjalës së kryetares që thërrisnim debatin politik. Unë do ta prish traditën e Kryetarit apo Kryetares së LSI-së që thotë fjalën dhe pastaj vazhdon. Unë do të doja të ftoja 3 kryetarët e partive, Alertin, Aurelin dhe Endrin, njëri më i bukur se tjetri në shpirt, se në pamje e dini vetë ju që janë njësha. Ajo që dua të them është që kryetari i partisë merr gjithmonë 15 minuta live kur flet në televizione. Duke qenë se unë jam live, do i kërkoja të gjithë drejtuesve të televizioneve dhe do ju përulesha, që 6 minuta nga fjalimi i Monikës t’ia lija Alertit, që është 19 vjeç, është nga Shkoza, është student në Universitetin Europian, Endrin, gjimnazist në gjimnazin Ismail Qemali dhe Aurelin, gjimnazist në gjimnazin Gramoz Palushi. Keni 2 minuta të jepni mesazhin tuaj që keni mësuar në këtë kamp dhe pas asaj që do thoni unë do them fjalën time, sepse ky është një produkt i këtij kampi të mrekullueshëm në këtë kohë pandemie, për të vërtetuar edhe njëherë që gjërat po t’i bësh me besim, dëshirë dhe kurajo i realizojmë ato që kemi.”
