Një konflikt për pastrimin e urës së Lazaratit ka përfunduar me dhunimin e administratorit të kësaj njësie, në bashkinë e Gjirokastrës.
Sipas policisë, Islam Buzheri dhe Rediar Buzheri, babë dhe bir, pas sherrit goditën me grushte në pjesë të ndryshme të trupit administratorin e Njësisë Administrative Lazarat Muharrem Basha.
Sipas të njëjtave burime, i ati me djalin kishin hedhur inerte poshtë urës, ndërsa kishte zaptuar edhe një pjesë të tokës. Babë e bir janë shpallur në kërkim pas ngjarjes.
Materialet në ngarkim të shtetasve të mësipërm i kaluan Prokurorisë së Rrethit Gjyqësor Gjirokastër për veprat penale “Goditjet për shkak të detyrës” dhe “Pushtimi i tokës”, njoftoi policia.
