Moderatorja e njohur, Orinda Huta ka treguar me postimet e ndryshme se ndodhet në qytetin e Gjirokastrës, së bashku me stafin e programit ‘Jo vetëm modë’.
Së fundmi, ajo ka ndarë në Instagram disa foto në rrugicat e Gjirokastrës, duke zbuluar se si do të duket në promon e re të programit, i cili pritet të vijë në ekran me nisjen e sezonit të ri televiziv.
“Moderniteti i së djeshmes është tradita e së sotmes. Së shpejti”, ka shkruar Orinda krah fotove ku shfaqet e veshur me një fustan në ngjyrë të bardhë dhe me një grim më të rënduar ndryshe nga herët e tjera.
Huta ka marrë komplimenta të shumtë, ku nuk kanë munguar as nga personazhet e njohur si Xhemi Shehu, Orgesa Zaimi apo Eraldo Rexho.
