Labinot Tahiri ka prezantuar ambientin ku qytetarët mund t’i adresojnë problemet e tyre.
Këngëtari dhe ish-deputeti i njohur shqiptar, Labinot Tahiri, njihet për veprimtaritë e tij të shumta humanitare. Pikërisht kjo ishte edhe arsyeja se përse ai vendosi të themelojë fondacionin “Labinot Tahiri”.
Me anë të disa fotove të publikuara në llogarinë e tij në Instagram, Labi u ka treguar ndjekësve disa nga ambientet e punës, aty ku qytetarët mund t’i adresojnë problemet e tyre.
“E nisa nga dora e nanës, tani nga familja e gjerë, nga shoqëria, dhe më pas kjo u bë moto e jetës sime, vendosa të jem në shërbim të popullit deri sa të më rrah zemra…për të gjithë ata që nuk kanë ku të mbështetën tjetër! Qoftë ky një hap i mbarë për të gjithë, e paqim shume suksese nga fondacioni-zyra ose qendra e re, ku qytetarët mund të regjistrohen për hallet e tyre dhe ku ne mund të përpiqemi të ju bejmë zgjidhje, në vazhdimësi së bashku me donatorë. Zot, qofsha falë që më jep kurajo edhe ateherë kur më sulmojnë padrejtesisht. Me dashuri, LABI-FKSH🌟💐🌟”, ka shkruar Labi.
