Pas thashethemeve se lideri i Koresë së Veriut ndodhet në gjendje kome Kim Jong-Un është rishfaqur ditën e sotme në televizionin shtetëror. Sipas fotove të publikuara nga mediat e huaja ai shihet shëndoshë e mirë ku mesa duket ka shtuar dhe disa kile.
Diktatori është shfaqur në një takim të Byrosë Politike ku u diskutua mbi emergjencën shëndetësore Covid. Në mes të spekulimeve për gjendjen e tij shëndetësore dhe delegimin e disa fuqive të motrës së tij Kim Yo-jong, diktatori i Pyongyang-ut diskutoi për situatën pandemike duke trajtuar “të metat” në punën e autoriteteve të shëndetit.
Kujtojmë se pak ditë më parë Chang Song-Min, një nga bashkëpunëtorët e ish Presidentit Kim Dae-jung deklaroi se ai ishte në gjendje kome.
