Identifikohet dhe shpallet në kërkim autori i dyshuar i plagosjes së djeshme me armë zjarri në Shkodër, ku mbetën të lënduar Erison Gjeka dhe Ndue Pali.
“Nga strukturat e DVP Shkodër në bashkëpunim me Prokurorinë e Rrethit Gjyqësor Shkodër, u bë e mundur zbardhja e ngjarjes, identifikimi dhe shpallja në kërkim e autorit të dyshuar, shtetasit E.D., 35 vjeç, banues në lagjen Skënderbeg, Shkodër”, njoftoi policia.
Ky shtetas, shtuan të njëjtat burime, gjatë një konflikti të çastit, ka qëlluar me armë zjarri duke i plagosur në këmbë, dy 24-vjeçarët: Erison Gjeka dhe Ndue Pali. Këta të fundit, pas mjekimit të marrë në Spitalin Rajonal Shkodër janë larguar për në banesë.
Akuzat që janë ngritur ndaj 35-vjeçarit në kërkim janë “Plagosja e lehtë me dashje” dhe “Armëmbajtja pa leje”.
Shkodra vijon të mbetet një nga qytetet problematike për sa i përket krimeve kundër jetës. Pak ditë më parë, një i ri u vra me zjarri.
