Kontrolli i Lartë i Shtetit kërkon bashkëpunimin e qytetarëve për të zbuluar dhe çuar para përgjegjësisë ligjore rastet abuzive në administratë.
Në një njoftim zyrtar, KLSH shprehet se garanton ruajtjen e anonimatit dhe ndjekjen e çështjes deri në zgjidhjen e saj.
Kontakti ku mund të shkruajë çdo qytetar për denoncimin e çfarëdo rasti abuzimi në administratë është “[email protected].”
“Duke marrë shkas nga rastet e shumta që në mënyrë informale denoncohen nga qytetarët për abuzimin në administratë, KLSH lutet që këto ankesa të adresohen pranë tij. Rastet e abuzimit në administratë, ose nga vetë punonjësit e KLSH-së, qytetarët janë të lutur t’i bëjnë prezent pranë këtij institucioni. KLSH garanton ruajtjen e anonimatit dhe ndjekjen e çështjes deri në zgjidhjen e saj. Qëllimi ynë është t’u vijmë në ndihmë qytetarëve që të mos kenë frikën e përballjes me institucionet për të cilat paguajnë taksat. Ndaj do t’ju luteshim edhe një herë të na shkruani për çdo problem në [email protected]”, thuhet në njoftimin e Kontrollit të Lartë të Shtetit.
