Gjykata e Lartë shpreh ngushëllimet, për ndarjen nga jeta të ish-kryetarit të saj Thimjo Kondi. Kondi ka ushtruar detyrën e Kryetarit të Gjykatës së Lartë gjatë viteve 1999 – 2008.
“Z.Thimjo Kondi ka qenë një nga figurat më të rëndësishme të drejtësisë shqiptare duke dhënë kontributin e tij të shkëlqyer në disa drejtime të së drejtës. Ndarja e tij nga jeta, ka trishtuar shumë bashkëpunëtorë të tij, kolegë e miq, në Gjykatën e Lartë. Me anë të këtij mesazhi, dëshirojmë të shprehim edhe një herë falenderimet tona si gjykatë për mundësinë që patëm për tu drejtuar nga një jurist i shquar si Thimjo Kondi, njëkohësisht shprehim edhe ngushëllimet e trishtimin për ndarjen e tij nga jeta dhe njerëzit e afërt”, thuhet në reagimin e Gjykatës së Lartë.
