Motra e Britney Spearsit, Jamie Lynn Spears, është emëruar administruese e besuar e financave të këngëtares, bën të ditur portali “The Blast”.
Sipas publikimit të tyre të fundit, dokumentet e reja gjyqësore tregojnë se 29-vjeçarja Jamie Jynn është emëruar kujdestare e trustit “SJB Revocable Trust”, që është krijuar për ta mbrojtur pasurinë e yllit të muzikës pop, Britney Spears. Detyra e Jamie Lynnit është që të sigurohet që të hollat e së motrës të trashëgohen nga dy djemtë e saj, Sean dhe Jayden, në rast se ajo vdes.
Kujtojmë se babai i këngëtares aktualisht shërben si kujdestar ligjor i saj.
Javën e kaluar avokati i Spearsit, Samuel D Ingham III, deklaroi se klientja e tij është kundër rikthimit të babait në rolin e kujdestarit të saj ligjorë, duke preferuar që menaxheri i saj Jodi Montgomery të bëhet zëvendësimi i përkohshëm i tij. Por, gjykatësja Brenda Penny e ka zgjatur të drejtën e babait të këngëtares në rolin e kujdestarit ligjor, deri më 1 shkurt të vitit 2021.
