Modelja e njohur, Bella Hadid ka folur për herë të parë për sëmundjen e saj. Hadid tregoi për simptomat e sëmundjes Lyme dhe ato me të cilat përballet, duke theksuar një rrahje të parregullt të zemrës, dhimbje në nyje, djersitje, vjellje, vështirësi në frymëmarrje.
“Unë isha thjesht shumë e sëmurë dhe duhej ta shisja kalin tim sepse nuk mund të kujdesesha për të”, shtoi Hadid.
Ajo u diagnostifikua për herë të parë me këtë sëmundje në vitin 2012, sëmundje kjo që përhapet tek njerëzit nga rriqrat e infektuar që kafshojnë lëkurën.
Simptomat e hershme, përfshijnë skuqje rrethore të kuqe rreth zonës së infektuar. Mund të zgjasë deri në tre muaj që skuqja të shfaqet pas infeksionit fillestar.
