Një emigrant shqiptar është ekzekutuar me dy plumba në kokë, në Kavala të Greqisë, raportuan këtë të Martë mediat helene. Viktima është 58 vjeç shkruajnë mediat greke, pa bërë të ditur gjeneralitet e tij.
Raportohet se 58-vjeçari punonte në mbledhjen e ullinjve, kur është gjetur nga pronari i tij, i cili fillimisht ka dyshuar për infarkt dhe ka njoftuar menjëherë ambulancën.
Më pas, mjekët kanë konstatuar se shqiptari ishte qëlluar dy herë me armë në kokë. 58-vjeçari jetonte dhe punonte prej vitesh në zonën e Pagaiu të Kavalas, ndërsa policia ka nisur hetimet për të zbardhur shkaqet e vrasjes së tij.
