Ish-kryebashkiaku i Përmetit, Dhimitër Nasi ka humbur jetën pas infektimit me koronavirus.
Nasi ka qenë kryebashkiaku i parë i Përmetit, i cili ka ushtruar detyrën përgjatë viteve 1992-1996.
Ai raportohet se ishte infektuar prej disa ditësh dhe ishte i shtruar në spitalin COVID-1, teksa nuk ia doli të fitonte betejën me këtë virus.
Nasi u nda nga jeta në moshën 58-vjeçare.
Numri i të infektuarve me koronavirusin e ri në vendin tonë vijon të rritet, ashti si dhe numri i jetëve të humbura. Sipas raportimit të fundit të Ministrisë së Shëndetësisë, 3 845 janë rastet aktive me COVID-19 në vend. Numri i jetëve të humbura është rritur po ashtu në 250.
