Një aksident me një fëmijë të plagosur rëndë ka ndodhur në Kukës, këtë të Hënë.
Policia lokale njoftoi se, në aksin rrugor Kukës-Gostil, një mjet tip “Mitsubish”, ka aksidentuar shtetasin e mitur E.M., rreth 11 vjeç, banues në Kukës.
Drejtuesi i mjetit ka braktisur automjetin dhe është larguar nga vendi i aksidentit, shtuan të njëjtat burime
Fëmija i dëmtuar, pasi ka marrë ndihmën e parë mjekësore, po transportohet për mjekim më të specializuar në spitalin traumës Tiranë.
Grupi hetimor ndodhet në vendin e ngjarjes, ku po punon për identifikimin e autorit dhe kapjen e tij, si dhe zbardhjen e shkaqeve të aksidentit, bëri me dije policia.
Vetëdorëzohet shoferi
Në një njoftim të dytë, policia informoi se drejtuesi i mjetit që përplasi fëmijën u vetëdorëzua në ambinetet e Drejtorisë së Policisë Kukës.
“Shtetasi A.H., 35 vjeç, banues në Bushtricë, Kukës, në aksin rrugor Kukës-Gostil, me mjetin tip ‘Mitsubish’, ka aksidentuar shtetasin e mitur E.M., pasi e ka dërguar me mjet tjetër në spitalin e Kukësit, është vetë dorëzuar pranë Drejtorisë së Policisë Kukës. Shtetasi A.H., ndodhet në ambientet e Drejtorisë, për veprime të mëtejshme procedurale”.
