Ish-kryeministri, Sali Berisha ka akuzuar kryebashkiakun e Lezhës Pjerin Ndreu, se nën kujdesin e rij, në fshatin Kashnjet, ka mbjellje masive të drogës.
“Mbjellje masive droge nën kujdesin e Pirinit (kryebashkiakut të Lezhës) në Kashnjet, Lezhë”, shkruan Berisha në një postim në FB, ku publikuan dhe pamje si dhe një mesazh, për të cilin thotë se i ka ardhur nga një qytetar.
Në mesazh, lexohet:
“Përshëndetje dr. Kam një informacion të saktë për hashashin në zonën e Lezhës në mbrojtje të drejtueseve të policisë së Lezhës dhe personalisht të Pjerin Ndreut dhe disa të tjerëve më të mëdhenj dhe më të ulët se këta. Janë mbi pesë parcela në një vend dhe shumë e shumë tjera në atë zonë për të cilat ka informacion të plotë Ministri Lleshaj dhe drejtori i përgjithshëm i policisë, por nuk preken. Këto ndodhen në fshatin Gjazej Sukaxhi të Kashnjetit, shumë afër rrugës kalimtare në të gjitha pozicionet në përroskën e brymzit, 500 metra larg shtëpive. Ka dhe vende tjera po në atë zonë dhe po me shtet me lartësi bime mbi 4 metra do i filmoj të gjitha dhe do të tregoj për ecurinë e tyre, po ju dërgoj fotot dhe videot e tyre”.
