Një 18-vjeçare në kryeqytet është hedhur nga kati i tretë i banesës. Vajza është transportuar në spital për të marrë shërbim mjekësor, ndërkohë një hetim ka nisur për zbardhjen e rrethanave dhe shkaqeve të ngjarjes.
Ngjarja ndodhi rreth orës 13:15, në rrugën “Metush Luli”, në zonën e Alliasit.
“Dyshohet se është vetëhedhur nga kati i 3 i pallatit ku banon shtetasja K.Q., 18 vjeçe, e cila është dërguar menjeherë në spital, dhe ndodhet nën kujdesin e mjekëve. Grupi hetimor dhe shërbimet e Policisë ndodhen në vendngjarje dhe vijon puna për zbardhjen e plotë e rrethanave të ngjarjes”, njoftoi policia.
