Në Mirditë, një militant i Partisë Socialiste mban një post drejtori edhe pse ka mbushur moshën e pensionit. Denoncimi bëhet nga ish-kryeministri Sali Berisha, i cili i referohet një mesazh për të cilin tregon se ka ardhur në adresë të tij.
“Kryetari i PS Mirdite Pjetër Pjetri….është njëkohësisht edhe Drejtori i Zyrës së Punës, ka mbushur moshën e pensionit, ka disa muaj edhe nuk e ka dorëzuar vendin e punës, sepse kështu vazhdon e komandon ky Bashkinë Mirditë… bën pazare për vende pune… mban vende pune peng e fut të gjithë simpatizant e vetë e pa shkollë”, thuhet mes të tjerash në denoncimin e qytetares dërguar ish-kryeministrit.
Reagimi
“Militantët pensioniste mbahen drejtorë, të rinjtë i përzëmë nga Shqipëria”, shkruan Berisha në komentin e tij për mesazhin e qytetares.
Në denoncimin e saj shkruhet:
“Zoti Sali Berisha, ky është kryetari i PS Mirditë Pjetër Pjetri….është njëkohësisht edhe Drejtori i Zyrës së Punës, ka mbushur moshën e pensionit, ka disa muaj edhe nuk e ka dorëzuar vendin e punës, sepse kështu vazhdon e komandon ky Bashkinë Mirditë… bën pazare për vende pune… mban vende pune peng e fut të gjithë simpatizant e vetë e pa shkollë… Kam 4 vite e diplomuar e kërkoj vend pune e nuk më fut askund se nuk i kam dhënë lekë. Kam burrin pa punë, vetë pa punë, e shohim këtë që ka krejt familjen e tij të punësuar, madje edhe vajzën që e ka të martuar ne Pogradec i figuron emri ne administratën Rrëshen… Jemi katandisur nga ky e zoti Nrec Deda… mbetëm pa punë, se di si do jetojmë. Kam përfunduar të gjitha studimet me shumë vështirësi duke menduar që do gëzohem një ditë me një vend pune… Po jo nuk ndodh kështu, se në Bashkinë Mirditë 80% janë pa arsim e janë të punësuar thjesht se kanë votuar Partisë Socialiste. Mban në punë persona që kanë dalë në pension… Ka në konviktin e Rrëshenit përgjegjësin, zotin Lek Kacorri që ka mbush moshën që në Mars e mban në punë sërish… e ne të rinjtë pa punë”.
