Presidenti i Malit, Ibrahim Boubacar Keita ka dhënë dorëheqjen, pasi u arrestua nga ushtarët të martën.
Në një fjalim Keita tha se ai gjithashtu po e shpërndanë qeverinë dhe parlamentin.
“Unë nuk dua që të derdhet gjak, për të më mbajtur në fuqi”, shtoi ai.
Vendimi vjen disa orë pasi ai dhe kryeministri, Boubou Cisse u dërguan në një kamp ushtarak afër kryeqytetit Bamako, duke nxitur reagimin nga fuqitë rajonale dhe Franca.
Keita fitoi një mandat të dytë në zgjedhjet e vitit 2018, por ekziston zemërimi i përhapur për korrupsionin, keqmenaxhimin e ekonomisë dhe përkeqësimin e situatës së sigurisë, pasi dhuna xhihadiste dhe ndërmjet komuniteteve është në rritje. /REL/
