Një 39-vjeçar është gjetur i pajetë në Tiranë në një pallat në ndërtim, këtë të Mërkurë, bëri me dije policia. 39-vjeçari i cili kryente punime në strukturë, dyshohet se ka rënë në kontakt me energjinë elektrike dhe për pasojë ka ndërruar jetë.
“Rreth orës 09:18, tek ‘Medreseja’, në një pallat në ndërtim është gjetur pa shenja jete, punëtori shtetasi A.B., 39 vjeç. Grupi hetimor dhe shërbimet e Policisë ndodhen në vendngjarje dhe vijojnë punën për zbardhjen e plotë të rrethanave të ngjarjes, ku paraprakisht dyshohet se vdekja ka ardhur si pasojë e kontaktit me rrymën elektrike”, njoftoi policia e Tiranës.
