Nga Boldnews.al
Kryeministri i Shqipërisë dhe njëkohësisht drejtues i radhës i OSBE ka propozuar që ai të angazhohet në zgjidhjen e krizës në Bjellorusi. Kryeministri kërkon të bëhet “lider global”, duke shkuar në zonën e trazuar të Bjellorusisë, në cilësinë e kreut të radhës të OSBE-së për të zgjidhë problemet që kanë të bëjnë me votën e lirë.
Paradoks në vetvete, por ky trill i ditëve të gushtit po merr formë dhe Edi Rama mund të takojë të singjashmin e tij në këtë drejtim, Aleksandër Lokashenko. Rama do i kërkojë presidentit bjellorus zgjidhje me dialog, duke përfshirë edhe opozitën atje, e cila akuzon presidentin autoritar Lokashenko si i përfshirë në tjetërsimin e rezultatit të zgjedhjeve, të cilat u zhvilluar një javë më parë.
Do shkojë Rama të flasë për “votën e lirë”…? Por para se të niset me këtë mision të veçantë, do i duhet një konsultë edhe më e thelluar me Damian Gjiknurin, “diamantin” e tij që edhe një palë zgjedhje lokale në Dibër i ktheu në “tërmet”… Nuk duhet të anashkalojë as Vangjush Dakon, apo Niçen e Shijakut!
Rama do shkojë atje në kërkim të votës së lirë, kundër shitblerjeve, shantazheve apo tjetërsimit të rezultatit zgjedhor. Të gjithë këto akuza aktualisht rëndojnë mbi presidentin Bjellorus Lukashenko.
Paradoksalisht, personi i cili do të shkojë për zgjidhjen e çështjes, kryeministri ynë Rama, ka një raport thuajse identic në sjellje politike me të singjashmin Lukashenko. Kjo lidhet me rezultatin zgjedhor të vitit 2016 në Dibër, atë të përgjithshme më 2017 dhe makabritetin e gjoja zgjedhjeve lokale të 30 qershorit të kaluar.
Gazeta e madhe gjermane “Bild”, publikoi dy vite më parë audiopërgjime që lidheshin me zgjedhjet e parakohëshme lokale në Dibër. Në të shfaqeshin në biseda kryeministri Rama, ish-ministrat Damian Gjiknuri, Saimir Tahiri dhe deputetët Xhemal Qefalia, Pjerin Ndreu dhe Ulsi Manja.
Që të gjithë flisnin me eksponentë të lartë të policisë apo individë me të shkuar kriminale në shitblerjen e votave dhe afera të rënda në emërime të paligjshme në Policinë e Shtetit, si shpërblim për përfshirjen e tyre në shitblerjen e votave.
Gjithashtu edhe në zgjedhjet e vitit 2017 dolën përgjime skandaloze, ku i implikuar rezultoi ish-kryebashkiaku i Durrësit Vangjush Dako me elementë të botës së krimit të akuzuar për vrasje dhe trafik droge. Ata në komunikime telefonike flisnin për blerje votash, ndikim të paligjshëm, apo edhe shpërblime në shuma të ndryshme.
Një situatë e tillë ka ndodhur edhe në Bjellorusi.
Sot aty opozita e vendit ka dalë në protestë dhe gjendja pritet të ketë edhe më shumë tensionim. Për këtë arsye janë shqetësuar përfaqësuesit politik të vendeve të BE-së, që vendosën të dërgojnë Edin tonë për të shuar këtë “zjarr” të sapondezuar.
Ndoshta jo pa shkak, pasi Rama i di mirë këto gjëra sesi tjetërsohet vota dhe si shtypet opozita. I vetmi ndryshim është se Lukashenko ende nuk ka vendosur të shpërndajë opozitarët që kanë dalë në shesh dhe kundërshtojnë rezultatin zgjedhor. Këtu Rama ka çfarë ti “sugjerojë”.
Një opsion është që ti thotë që protestat e opozitës ti shpërndajë me gaz lotsjellës dhe raprezalje. Njësoj siç bëri vetë Rama në bashkëpunim me Ministrin e Brendshëm Sandër Lleshaj, që mbytën në gaz jo vetëm protestuesit, por gjysmën e qytetit të Tiranës, ku as brenda shtëpive nuk qëndrohej nga hedhja pa masë e hesap të gazit lotsjellës.
Takimet pritet të jenë interesante, Rama ka çtë mësojë nga Lukashenko dhe ai ka çfarë të mësojë nga Rama!
