Një aksident me vdekjen e një 45-vjeçari është shënuar në Durrës paraditen e sotme.
Sipas një rindërtimi paraprak të ngjarjes nga policia, 45-vjeçari ishte duke lëvizur me një motor, që ka dalë nga rruga, ndërsa drejtuesi ka humbur jetën.
“Rreth orës 10:00, tek mbikalimi i Shën Vlashit, Durrës, shtetasi Sh.Z., 45 vjeç, duke drejtuar motomjetin, ka humbur kontrollin, e për pasojë ka dalë nga rruga. Menjëherë është dërguar me autoambulancë në Spitalin e Durrësit, por si pasojë e plagëve të marra ka ndërruar jetë. Grupi hetimor ndodhet në vendngjarje dhe po punon për zbardhjen e ngjarjes”, njoftoi policia.
