Vendet që vendosin interesat e tyre përpara të tjerëve në përpjekjen për të siguruar furnizimin e një vaksine të mundshme të koronavirusit po e bëjnë më keq pandeminë, tha të martën shefi i Organizatës Botërore të Shëndetit Tedros Adhanom Ghebreyesus.
“Të vepruarit në aspektin strategjik dhe global është në të vërtetë në interesin kombëtar të secilit vend – askush nuk është i sigurt derisa të gjithë të jenë të sigurt,” tha ai në një konference virtuale duke bërë thirrje për t’i dhënë fund “nacionalizmit të vaksinës”.
Ai tha se u kishte dërguar një letër të gjithë anëtarëve të OBSH-së duke u kërkuar atyre që të bashkohen me përpjekjet shumëpalëshe të vaksinimit COVAX.
Më shumë se 21.9 milionë njerëz janë raportuar se janë infektuar nga koronavirus globalisht dhe 772.647 kanë vdekur, sipas një raporti të Reuters. /syri.net
