Kur u shfaq koronavirusi dhe më pas u përhap, duke u shpallur pandemi, të gjithë shkencëtarët, në mbarë botën iu futën punës për të krijuar një vaksinë kundër tij. Megjithëse do shumë kohë të krijohet një vaksinë efektive, përpjekjet e shkencëtarëve janë në maksimum. Por ndërsa shkencëtarët po punojnë ditë-natë për të gjetur një vaksinë, shumë njerëz, për të mos thënë pjesa më e madhe nuk e shohin si të sigurt. Jo vetëm këtë vaksinë, por edhe ato të tjerat, madje edhe vaksinën e gripit normal. Jo kanë futur çip, jo vaksina anti-Covid i bën meshkujt sterilë, jo kështu, po ashtu. Domethënë shumë njerëz janë mosbesues ndaj vaksinave.
Vaksinat janë të sigurta. Pse bota ka dyshime për atë
Neil Johnson, një fizikant në universitetin “George Ëashington” i cili po studion skepticizmin e vaksinave në mediat sociale, i tha CNN-it se katër kundërshtimet më të zakonshme janë: siguria; nëse është e nevojshme një vaksinë; besimi i ndërmarrjeve themeluese dhe farmaceutike dhe shumë kishin pasiguri te shkenca. Ai sugjeron të pyesni miqtë ose familjarët tuaj nëse do ta bënin një vaksinë kundër koronavirusit, po të ishte tani në dispozicion
“Do të isha i befasuar nëse pyesni 10 persona dhe ata thonë po, pa shtuar një vërejtje mbrapa.”, tha ai.
Vaksinat janë të sigurta. Pse bota ka dyshime për atë
Dyshimet mbi vaksinën Covid-19?
Shkencëtarët thonë se vaksinat janë mjeti më i efektshëm në luftën kundër sëmundjeve infektive, duke parandaluar 6 milionë vdekje çdo vit. Studime të shumta kanë vërtetuar se janë të sigurta. Dr.Anthony Fauci, epidemiologu i famshëm amerikan, tha që bërja në masë e vaksinës, mund t’i japë fund Covid-19 dhe një studim në revistën mjekësore Lancet zbuloi se kjo ishte mënyra e vetme për t’i dhënë fund izolimit, informon dritare.net. Në maj “Associated Press” dhe “NORC për Çështjet Publike” bënë një sondazh që tregoi se gjysma e amerikanëve hezitonin ta bënin ose e refuzonin vaksinën. Dhe një studim nga King’s College London javën e kaluar nxori të njëjtat rezultate në Mbretërinë e Bashkuar. Por përgjigjet e sondazhit ndryshojnë. Një sondazh i majit i CNN-it zbuloi se dy të tretat e amerikanëve do të përpiqeshin ta bënin një vaksinë nëse do të ishte në dispozicion gjerësisht me një kosto të ulët.
Sidoqoftë, qëllimi përfundimtar i vaksinave është krijimi i imunitetit të tufës, që do të thotë se pjesa më e madhe e popullsisë duhet të jetë imune për ta zvogëluar përhapjen e infeksionit. Një vaksinë mund të jetë 70% deri 75% efektive, tha Dr.Fauci në qershor, por nëse vetëm dy të tretat e popullsisë vaksinohen, është e pamundur që të arrihet imuniteti i tufës.
Një tjetër studim i publikuar nga Universiteti i Hamburgut tregoi se, 71-74% e njerëzve në Evropë dhe SHBA do të duhej të vaksinoheshin për të arritur imunitetin e tufës.
