Një police e quajtur Erika Urrea nga Kalifornia, ka shpëtuar jetën e një 66-vjeçari i cili kishte ngecur tek shinat e trenit me karrocën e tij.
Ndërkohë që treni po i afrohej burrit me karrocë, policja e pa, ndali makinën dhe vrapoi për të shpëtuar atë.
Ajo tentoi ta lëvizte me karrocë por ishte e pamundur. Disa sekonda para se treni të godiste burrin, policja arriti ta largojë atë nga karroca dhe ta hedhë në tokë.
Në këtë mënyrë policja i shpëtoi jetën burrit 66-vjeçar duke rrezikuar dhe veten. Burri pësoi dëmtime në këmbë dhe u dërgua direkt në spital.
“Oficerja Urrea rrezikoi jetën e saj për të shpëtuar një tjetër jetë dhe veprimi i saj parandaloi një tragjedi sot. Ne jemi jashtëzakonisht krenarë për oficerin Erika Urrea dhe heroizmin e saj”, tha departamenti i policisë.
E gjithë pamja është filmuar nga kamera që policja mbante në uniformën e saj.
