Një 50-vjeçar është gjetur i pajetë në Tiranë.
Policia informon se ai ishte roje i një pallati në ndërtim dhe dyshohet të ketë rënë nga lartësia e për pasojë ka humbur jetën.
“Rreth orës 13:24, në rrugën ‘Ndre Mjeda’, në një pallat në ndërtim, është gjetur i pajetë në sheshpushimin e kati -2, roja i objektit shtetasi N.B., rreth 50 vjeç, ku dyshohet se mund të ketë rënë nga lartësia. Grupi hetimor dhe shërbimet e Policisë ndodhen në vendngjarje dhe vijojnë punën për zbardhjen e plotë të rrethanave të ngjarjes”, njoftoi policia.
