Safet Morina, efektivi i uniformave blu në policinë e Shkodrës ka ndërruar jetë ditën e sotme pas infektimit me COVID-19. Ai ndodhej i intubuar në Tiranë dhe nuk ka arritur të fitojë betejën me virusin.
Morina prej vitesh mbante postin e përgjegjësit të qarkullimit rrugor në qytetin e Shkodrës.
Në përditësimin e fundit, Ministria e Shëndetësisë njoftoi dje se 205 persona kanë humbur jetën në vend nga COVID, që prej fillimit të pandemisë.
