Dhjetë klubet e Kategorisë Superiore nuk tërhiqen nga kërkesat e tyre dhe ditën e sotme i kanë dërguar një letër kryeministrit Edi Rama.
Sipas letrës së firmosur nga 10 ekipet, ata kërkojnë nga kreu i qeverisë që të plotësojë kërkesat e bëra publike pas mbledhjes së fundit të Ligës Profesioniste me FSHF-në.
Pas bojkotimit të sezonit të ri, 10 klubet e Kategorisë Superiore i bëjnë thirrje kreut të qeverisë të përmbushë:
1. Ndryshimin e Ligjit të Sponsorizimeve.
2. Përfshirjen e futbollit në TVSH-në e reduktuar me 6%.
3. Faljen e gjobave dhe kamatvonesave.
4. Zgjatjen e periudhës së përjashtimit nga tatim-fitimi mbi të ardhurat e futbollistëve nga 2-10 vite.
