Trajneri Ilir Daja është larguar nga klubi i Skënderbeut. Lajmin e ka konfirmuar Daja përmes një postimi në “Facebook” ku falënderon qytetin e Korçës dhe presidentin Ardian Takajn për besimin.
“Korça më ka bërë të ndihem si në shtëpinë time, për qytetarinë, kulturën dhe respektin që e kam hasur kudo, si dhe për miqtë e shumtë që më kanë mbështetur në punën time.
“Skënderbeu më dha mundësinë për të arritur suksese si asnjë skuadër tjetër, prandaj largimi është i vështirë. Një falënderim special shkon për tifozerinë e Skënderbeut, presidentin Ardjan Takaj, stafin tim dhe secilin lojtar veçmas. Për gjithçka kemi përjetuar bashkë, sukseset që kemi arritur, dëshiroj që rrugët tona të bashkohen sërish një ditë, për të arritur gjëra edhe më të mëdha, se sa ato të cilat tanimë janë shkruar në histori!”, – tha ai.
53-vjeçari tashmë pritet të konfirmohet te skuadra e Partizanit teksa palët raportohet se kanë qenë në kontakt për një periudhë relativisht të gjatë kohe.
