Një aksident i rëndë ka ndodhur në fund të etapës së parë të Xhiros së Polonisë, vetëm pak metra para vijës së finishit.
Në momentin final të garës, kur çiklistët po pedalonin me gjithë forcë për ta kaluar vijën të parët, Dylan Groeneëegen shkakton një rrëzim kolektiv, por më keq se të tjerët e pëson holandezi Fabio Jakobsen, i cili i është nënshtruar një operacioni të gjatë prej pesë orësh, për të rivendosur në vend kockat e thyera.
23-vjeçari është në gjendje të rëndë, por mjekët janë optimistë e japin lajmin pozitiv për një situatë klinike të qëndrueshme të të aksidentuarit.
“Ndërhyrja ishte e vështirë,” – deklaroi Pawel Gruenpeter, zëvendësdrejtor i spitalit të qytetit të Katovicës. – “Nuk ka rrezik për jetën, por gjendja e tij mbetet e rëndë.”
Skuadra Deceuninck Quick-Step, për të cilën garonte Jakobsen, ka lajmëruar se nuk ka dëmtime në tru apo në shtyllën kurrizore të çiklistit holandez dhe se mjekët kanë tentuar ta nxjerrin nga koma.
Sipas doktoreshës së garës, Barbara Jerschina, janë shtruar në spital edhe tre çiklistë të tjerë: Damien Touze, Marc Sarreau dhe Eduard Prades. Gjithashtu ka marrë ndihmë në spital edhe një zyrtar polak, i cili u godit nga Jakobsen.
https://www.youtube.com/watch?time_continue=28&v=OMobj6UZpso&feature=emb_title
