Dy anëtarët e Komisionit të Vlerësimit të Kandidatëve në PD, Genc Ruli dhe Besnik Mustafaj, janë shprehur optimistë pas një takimi që kanë pasur me kreun demokrat Lulzim Basha.
Ruli tha se ka ndryshuar politika e PD, ka një politikë hapjeje me prurje të ndryshme dhe gjenerata të reja. Ruli tha se do të mbështesi çdo aksion politik të PD.
Ndërsa ish-ministri i Jashtëm, Besnik Mustafaj, tha se ky është një proces delikat.
“Unë konstatova se ka një prurje jashtëzakonisht të pasur, çka tregon se propozimet e demokratëve kanë qenë serioze. Ne jemi të angazhuar për të zgjedhur vlerat më të mira të këtij kontingjenti, që përbëjnë burime njerëzore jo vetëm për PD, por edhe për Shqipërinë,” tha Mustafaj, duke shtuar “shpresoj që të dal në fund të këtij procesi i paturpëruar”.
