Për momentin prioritet i klubit të kuq është Partizani B, i cili është përfshirë në fazën “play off” ku synon ngjitjen në Kategorinë e Parë.
Ndaj, disa lojtarë që kanë qenë pjesë e skuadrës së Superiores në javët e fundit do të kontribuojnë nesër për Partizanin B në ndeshjen ndaj Gramshit. Teqja, Bitri, Llanaj dhe Cara luajtën ndaj Sopotit dhe të njëjtën gjë pritet të bëjnë edhe nesër.
Përveç këtyre trajneri Kalari nuk ka as Trashin që e ka mbyllur aventurën me “demat” dhe Bardhin të pezulluar nga kartonët. Me Skënderbeun pritet të luhet thuajse si ndaj Vllaznisë, ku Hakaj dhe Mala mund të zëvendësojnë Trashin dhe Bardhin, por nuk përjashtohet mundësia edhe për ndonjë risi tjetër.
