Fabio Quartararo është shpallur fitues i Çmimit të Madh të Andaluzisë. Francezi fiton kështu garën e dytë radhazi në Botërorin e MotoGP, duke u shkëputur i vetëm në krye të klasifikimit të përgjithshëm.
21-vjeçari pasi mori “pole position” ditën e djeshme nuk e vuri për asnjë moment fitoren gjatë garës së sotme.
Në podium bashkë me pilotin e Petronas Yamaha SRT u ngjitën edhe dy pilotët e Yamahas zyrtare, Maverick Vinales dhe Valentino Rossi, që bëri një garë shumë të mirë duke iu gëzuar në fund vendit të tretë.
Vendi i 4-t për japonezin Taakaki Nagami, që në mungesë të Marc Marquez, mbajti lart flamurin e Hondas i ndjekur nga Joan Mir dhe Andrea Dovizioso.
