Mbrëmjen e sotme në mitikun” Stade de France” në Paris do të luhet finalja e Kupës së Francës, mes Paris Saint Germain dhe Saint Ettiene.
Kampionët në fuqi të Francës, janë favoritët absolutë për të fituar trofeun e tyre të 13-të në këtë kompeticion, teksa kanë shfaqur edhe një formë të shkëlqyer në ndeshjet miqësore.
Thomas Tuchel do të hedhë në fushë formacionin e tij më të mirë përballë St Ettiene. Treshja sulmuese do të përbëhet nga Mbappe-Neymar dhe Icardi të aftë për të trembur çdo kundërshtar.
Nga ana tjetër kundërshtarët janë në kërkim të suksesit të 7-të në Kupën e Francës por edhe një vendi në grupet e Europa League për sezonin e ardhshëm me këtë kompeticion që është mundësia e vetme për të shkuar në Europë për skuadrën e Claude Puel që e mbylli kampionatin në vendin e 17-të dhe me shumë vështirësi arriti të siguronte mbijetesën.
Paris Saint-Germain- St. Ettiene luhet në orën 21:10.
