Një banesë në Gjirokastër, ku jetojnë dy të moshuar, është grabitur orët e para të mëngjesit, ndërkohë që autori është vënë në pranga.
“Në orët e para të mëngjesit të ditës së sotme, në lagjen ‘Kodra e shtufit’, në banesën e shtetasit H.Sh., 80 vjeç (kati i parë i një pallati), ka hyrë nga dritarja e tualetit një shtetas dhe ka vjedhur 18.700 lekë. Ky shtetas, kur ka hyrë në banesë është pikasur nga të zotët e banesës, të cilët kanë tentuar ta ndalojnë, por pasi ka marrë lekët pa u shkaktuar dëmtime fizike dy bashkëshortëve, është larguar me shpejtësi”, njoftoi policia.
Policia arriti të identifikojë dhe ndalojë autorin.
V.K., 32 vjeç, banues në lagjen “18 Shtatori” u vu në pranga nga efektivët.
