Marrëveshja e “5 Qershorit” për Reformën Zgjedhore, e arritur në tryezën e Këshillit Politik mes mazhorancës, opozitës dhe përfaqësues të opozitës parlamentare, u miratua sot nga Kuvendi.
Marrëveshja e ndërmjetësuar nga ndërkombëtaret që parashikon ndryshime në Kodin Zgjedhor u miratua me 97 vota pro, 6 kundër dhe 4 abstenim. Gjashtë ligjvënës nuk morën pjesë në votim.
Marrëveshja u përfshi në rend dite nga konferenca e kryetarëve pas dakordësisë që kryeministri Rama arriti me një pjesë të opozitës parlamentare.
Pasi mori votat për “5 qershorin”, Partia Socialiste pritet të sjellë në seancë më 30 korrik dhe draftin për ndryshimet kushtetuese në bazë të një marrëveshje me shumicën e opozitës parlamentare.
Kreu i qeverisë deklaroi sot në Kuvend se më 30 Korrik do të votohet hapja e listave.
“Kur vjen puna për hapjen e listave këtë e vendosim ne. Ky Kuvend do hapë listat më 30 Korrik”, tha Rama.
Hapja e pjesshme e listave, sipas marrëveshjes së Ramës me një pjesë të opozitës parlamentare, janë pjesë e paktës së ndryshimeve kushtetuese, që përfshijnë po ashtu ndalimin e koalicioneve parazgjedhore dhe ndryshimin e pragut elektoral.
Opozita jashtëparlamentare, ndërkohë, është shprehur kundër ndalimit të koalicioneve.
Ku fokusohet marrëveshja për ‘Zgjedhoren’
Ku fokusohet marrëveshja për zgjedhoren, a garantohen zgjedhjet e lira?
