Policia ka arrestuar një 47-vjeçar pasi u kap në autostradën Elbasan-Tiranë duke transportuar me mjetin e tij, kundrejt fitimit 5 emigrantë të paligjshëm.
Për të shmangur shoqërimin në ambientet e Policisë, shtetasi GJ.M ka goditur për shkak të detyrës punonjësin e policisë dhe ka dëmtuar mjetin e policisë.
”Ky shtetas është konstatuar nga shërbimet e Policisë, në autostradën Elbasan-Tiranë, duke transportuar me mjetin tip “Benz”, kundrejt fitimit , 5 shtetas, emigrantë të paligjshëm. Për të shmangur shoqërimin në ambientet e Policisë, ky shtetas ka goditur për shkak të detyrës punonjësin e Policisë dhe ka dëmtuar mjetin e Policisë”, thuhet në njoftimin e policisë.
