Një shpërthim ka ndodhur pas mesnatës në një banesë në Lapurakë, në kryeqytetet. Burime zyrtare nga policia bënë me dije se sasia e dyshuar si lëndë plasëse që ka shpërthyer, ishte e vogël dhe nuk ka të lënduar në njerëz.
Megjithatë, shpërthimi ka dëmtuar derën e jashte të banesës ku jetonte çifti Llazi dhe dy fëmijët e mitur, si dhe ka frikë te banorët.
“Rreth orës 01:05 të mengjësit, në Laprakë, në derën e jashtme të banesës së shtetasit Gjergji Llazi, 47 vjeç, ka shpërthyer një sasi e vogël e dyshuar si lëndë plasëse, duke shkaktuar vetëm dëme të vogla materiale”, njoftoi policia.
Grupi hetimor dhe shërbimet e Policisë vijojnë punën për zbardhjen e rrethanave të ngjarjes, identifikimin dhe kapjen e autorit, shtuan të njëjtat burime.
Vendosja e lëndës plasëse dyshohet të jetë një paralajmërim për të zotin e shtëpisë i cili është marrë në pyetje nga policia, për të zbuluar konfliktet e mundshme që mund të jetë dhe identifikuar autorin e ngjarjes. Ky i fundit mësohet të jetë shprehur se nuk ka konflike me askënd.
Të njëjtën qëndrim shprehu dhe për gazetarët.
“Nuk kam konflikt me asnjë njeri, shpërthimi ka qenë i madh. Nuk dyshoj te asnjë njeri, kam bërë lloj-lloj punësh, me bojëra kam punuar, taksixhi kam qenë. Ishim katër veta në banesë, i kam deklaruar të gjitha në polici, lëshova deklaratë që s’kam konflikte me njeri, me vërtetë që s’kam konflikte. Nuk kam pasur kurrë në botë konflikte me njeri”, tha Llazi
Megjithatë, hetimet vijojnë nga ana e autoriteteve.
