Një automjeti në Durrës i është vënë flaka orët e para të kësaj të Hëne. Mjeti tip “Renault” ka pësuar dëmtime, po ashtu dhe një tjetër automjet, por nuk raportohet për persona të lënduar. Është raportuar po ashtu se një shpëthim është dëgjuar nga banorët e zonës.
Të dyja mjetet kanë qenë të parkuara pranë njëra-tjetrës, në rrugën ‘Ramazan Jella’, pranë degës së PD-së në Durrës. Pronari i makinës, është njohur me ngjarjen kur ka shkuar pranë mjetit, ndërsa më pas ka sinjalizuar policinë.
Autori është ende i paidentifikuar.
“Rreth orës 03:00, në lagjen nr.3, është tentuar të dëmtohet me lëndë djegëse mjeti tip ‘Reno’ në pronësi të shtetasit A.C., e për pasojë ka pasur dëme të vogla materiale në mjetet tip ‘Reno’ dhe ‘Ford’. Grupi hetimor dhe shërbimet e Policisë ndodhen në vendngjarje, dhe po punohet për zbardhjen e ngjarjes, identifikimin dhe kapjen e autorit”, njoftoi policia.
