Laçi fitoi në një ndeshje mjaft delikate ndaj Bylisit me rezultatin 3-0. Kurbinasit dominuan sfidën në Ballsh dhe siguruan tre pikët me dy golëshin e Nwabuezes dhe Rapos në fundin e pjesë së parë.
Takimi nisi mirë për laçianët që fituan një penallti me Abdurrahman Fangajn. Mbrojtësi u pengua në zonë nga Ndreca dhe ekzekutimin e saj e mori përsipër sulmuesi Nëabueze. Ky i fundit nuk gaboi nga pika e bardhë për 0-1.
Kur mendohej se pjesa e parë do të mbyllej me këtë rezultat ishte Rapo që shënoi për 0-2. Golashënuesi mori një krosim të mirë nga krahu i djathtë dhe me të majtën e çoi në rrjetë.
Pjesa e dytë pa sërish Laçin më kërkues. Ekipi i trajnerit Armando Cungu arriti të gjente dhe golin e tretë sërish me sulmuesin Nëabueze. Ky i fundit shënoi në të 75′ për të gjetur rrjetën e dytë personale.
Laçi tashmë ka blinduar vendin e tretë, pasi kanë 58 pikë, 4 më shumë se Skënderbeu dhe 5 më shumë se Teuta e vendit të katërt.
