Aishwarya Rai Bachchan është dërguar në spital pak ditë pasi rezultoi pozitive me për Covid-19. Aktorja indiane po merr trajtim në spitalin Nanavati në Mumbai. Vajza e saj gjithashtu është dërguar në spital, raporton agjencia PTI.
Bashkëshorti i ish-Miss Botës, Abhishek dhe vjehrri i saj Amitabh Bachchan, të dy gjithashtu aktorë të njohur, janë shtruar në spital që nga e shtuna pasi u infektuan me virus.
77-vjeçari Amitabh, një superylli i Bollywood që ka arritur famë globale gjatë karrierës së tij të gjatë, zbuloi në një postim në Twitter se ishte pozitiv me koronavirus. Gjithashtu edhe djali i tij Abhishek, konfirmoi në një seri postimesh se ai, bashkëshortja 46-vjeçare dhe vajza 8-vjeçare ishin të prekur.
Jaya Bachchan, gjithashtu një aktore e famshme dhe gruaja e Amitabh Bachchan, rezultoi negative.
Lajmet se familja e njohur, e konsideruar si familja mbretërore në Bollywood, ishte prekur nga virusi tronditën gjithë indinë. Këtë javë, mijëra fansa të familjes së aktorëve u lutën për shërimin e tyre.
