Policia e Beratit ka njoftuar se është arrestuar kryeplaku i fshatit Lybeshë në Skrapar dhe një shtetas tjetër, ndërsa është shpallur në kërkim një 32-vjeçar.
Ata akuzohen për “kultivim të bimëve narkotike” dhe moskallëzim krimi pasi është konstatuar bimë narkotike e kultivuar e llojit cannabis sativa, në pronën publike të këtij fshati.
“Në përfundim të veprimeve të para hetimore, Specialistët për Hetimin e Krimeve në Komisariatin e Policisë Poliçan arrestuan në flagrancë shtetasit:
T, 54 vjeç, banues në fshatin Lybeshë, me detyrë kryeplak, pasi dyshohet se ka konsumuar elementët e veprës penale “Shpërdorim detyre”.
T, 59 vjeç, banues në fshatin Lybeshë, pasi dyshohet se ka konsumuar elementët e veprës penale “Moskallzim krimi”.
Në vijim të veprimeve hetimore u shpall në kërkim shtetasi D.Sh(S), 32 vjeç, banues në Lybeshë, si autori i dyshuar për kryerjen e veprës penale “Kultivimi i bimës narkotike”
Materialet i kaluan Prokurorisë së Rrethit Gjyqësor Berat për veprime të mëtejshme”, thuhet në njoftimin e policisë.
