Një plagosje me thikë ka ndodhur mesditën e sotme në një fshat të Fierit, ku Përparim Seati, 46 vjeç, ka mbetur i lënduar.
“Sot, rreth orës 12:20, në rrethana ende të paqarta, dyshohet se është plagosur me mjet prerës (thikë) 46-vjeçari, banues në fshatin Kasnicë, Fier, i cili ndodhet në Spitalin Rajonal Fier nën kujdesin e mjekëve”, njoftoi policia lokale.
Të njëjtat burime shtuan se është identifikuar autori i dyshuar dhe po punohet për kapjen e tij.
Ndërkohë, grupi hetimor po punon për zbardhjen e plotë të ngjarjes.
