Një krim i tmerrshëm ndodhi pak ditë më parë, ku një ‘CEO ‘33 vjeçar i teknologjisë u gjet i vrarë në ambientet e një banese luskoze në New York.
Viktima Fahim Saleh u gjet i pajetë nga motra e tij, ndërsa agresori ia kishte copëtuar trupin me sharrë dhe disa pjesë të trupit ishin futur në çanta të zeza.
Lidhur me këtë ngjarje të rëndë është arrestuar i dyshuari kryesor për ngjarjen që është ndihmësi personal i Fahim Saleh, 21-vjeçari Tayriz Devon Haspill.
Sipas mediave të huaja 33-vjeçari ishte informuar se Haspille kishte vjedhur 100,000 dollarë prej tij, por në vend që ta denonconte atë tek autoritetet, ai arriti një marrëveshje me të riun për një plan shlyerjeje. Sidoqoftë, në një moment, Haspell anuloi marrëveshjen.
Shërbimi mjekoligjor bën të ditur se autori i krimit në mënyrë të përsëritur e ka goditur viktimën me thikë në qafë dhe trup.
Saleh u pa për herë të fundit në kamerat e sigurisë të hënën në mbrëmje, duke hyrë në ashensorin e ndërtesës së tij në pjesën e poshtme të Lindjes së Manhatanit.
Autori i veshur i gjithi me të zeza shihet në videon që hynte në ashensor me të, sipas zyrtarit. Ashensori në ndërtesën e Saleh shkon direkt në njësitë e apartamenteve dhe pasi hyri brenda banesës së Saleh, sulmuesi i dyshuar filloi ta sulmojë atë.
